කාන්තා ආර්ථික සවිබල ගැන්වීම ප්‍රවර්ධනය කිරීමේ අඛණ්ඩ උත්සාහයක් ලෙස, ශ්‍රී ලංකාවේ ජපන් තානාපති කාර්යාලයේ නියෝජ්‍ය දූත මණ්ඩල ප්‍රධානී කමෝෂිඩා නාඕකි / Kamoshida Naoaki මහත්මිය මන්නාරම දිස්ත්‍රික්කයේ කාන්තා ව්‍යවසායකයින් හමුවීමට ගියේය.
‘සාමයට මංපෙත්: ශ්‍රී ලංකාවේ කාන්තාවන්, සාමය සහ ආරක්ෂාව පිළිබඳ ජාතික ක්‍රියාකාරී සැලැස්ම සාක්ෂාත් කර ගැනීම / Pathways to Peace: Realising the National Action Plan on Women, Peace and Security in Sri Lanka’ ව්‍යාපෘතිය හරහා ඔවුන්ට සහාය ලබා දී ඇත.
එක්සත් ජාතීන්ගේ කාන්තා සංවිධානය Chrysalis සමඟ හවුල්කාරිත්වයෙන් සහ ජපාන රජයේ නොමසුරු සහයෝගයෙන් ක්‍රියාත්මක කරන ලද මෙම ව්‍යාපෘතිය, ගැටුම්වලින් පීඩාවට පත් ප්‍රදේශ වන අනුරාධපුර, මඩකලපුව, මන්නාරම සහ මුලතිව් යන දිස්ත්‍රික්කවල කාන්තාවන් විසින් මෙහෙයවනු ලබන ව්‍යාපාර ශක්තිමත් කිරීමේදී සැලකිය යුතු ප්‍රගතියක් ලබා ඇත.
ජපාන රජයේ ඩොලර් මිලියන 1.7 ක ආධාර ඇතිව, කාන්තා ව්‍යවසායකයින් 500ක් පමණ ව්‍යාපාර සැලසුම්කරණය, මූල්‍ය සාක්ෂරතාවය සහ නිෂ්පාදන නවෝත්පාදනය පිළිබඳ පුහුණු මාලාවක් හරහා සාර්ථකව තම ධාරිතාව වැඩි කර ගෙන ඇත. මෙම ඉලක්කගත පුහුණුවීම් මඟින් ඔවුන්ගේ ව්‍යාපාර ආකෘති යළි ශක්තිමත් කිරීමට ඔවුන්ට හැකි වී ඇති අතර, වෙළඳපොළට ප්‍රවේශය වැඩි කිරීම සඳහා පුහුණු කිරීම් සහ ඔවුන්ගේ මෙහෙයුම්වල තිරසාරභාවය ප්‍රවර්ධනය කිරීම සඳහා තාක්‍ෂණික හුවමාරුව මගින් තවදුරටත් සහාය හිමි වේ.
උත්සවය අමතමින් කමෝෂිඩා නාඕකි මෙසේ පැවසුවේ, “කාන්තාවන්ට අවශ්‍ය කුසලතාවන්ගෙන් සන්නද්ධ කිරීමෙන් සහ ඔවුන්ගේ විභවයන් මුදා හැරීමෙන්, ප්‍රජාවන් හරහා ප්‍රතිරාවය වන ධනාත්මක වෙනස්කම් උත්ප්‍රේරණය කළ හැකි අතර ඒ හරහා ආර්ථික වර්ධනය සඳහා නව ගාමක බලවේගයක් නිර්මාණය කළ හැකිය. ජපානය කාන්තාවන් සවිබල ගැන්වීම සහ ශ්‍රී ලංකාවේ තිරසාර, ඇතුළත් සංවර්ධනය සඳහා කැපවී සිටී”.
මෙම සහයෝගීතාවය ස්ත්‍රී පුරුෂ සමානාත්මතාවය සහ ඇතුළත් සංවර්ධනය සඳහා ජපානයේ දිගුකාලීන කැපවීම මත ගොඩනැගෙන අතර තිරසාර සංවර්ධනය සහ කාන්තාවන්, සාමය සහ ආරක්ෂක න්‍යාය පත්‍රය සඳහා වූ 2030 න්‍යාය පත්‍රය යටතේ හවුල් ප්‍රමුඛතා පිළිබිඹු කරයි. ආර්ථික බලගැන්වීම සඳහා මාර්ග නිර්මාණය කිරීමෙන්, මෙම මුලපිරීම ශ්‍රී ලංකාවේ තිරසාර සාමය සහ සංවර්ධනයට දායක වේ.
